ԵՄ Խորհրդում Հունգարիային ԵՄ-ում ձայնի իրավունքից զրկելու հարցի վերաբերյալ լսումները հաստատեցին այս գործընթացի քաղաքական բնույթը, քանի որ մի շարք երկրներ ընդունեցին, որ ամբողջ խնդիրը Բուդապեշտի՝ Ուկրաինայի հարցում դիրքորոշման մեջ է։
Այս մասին հայտարարել է Հունգարիայի ԵՄ հարցերով նախարար Յանոշ Բոկը՝ Բրյուսելում իր եվրոպացի գործընկերների հետ հանդիպումից հետո։ Նա նշել է, որ «Եվրոպական Միության մասին պայմանագրի 7-րդ հոդվածի համաձայն բացված այսօրվա լսումներում ամեն ինչ պարզ դարձավ»։«Մի քանի երկրներ հայտարարել են, որ իրական խնդիրը Հունգարիայի դիրքորոշումն է Ուկրաինային և նրա անդամակցությանը Եվրամիությանը աջակցելու հարցում։ Այս քաղաքական ճնշման և հիստերիայի պատճառն այն է, որ
Հունգարիան Ուկրաինայի հարցում ամուր, անսասան դիրքորոշում է զբաղեցնում՝ հիմնվելով իր սեփական ազգային շահերի վրա», -գրել է Բոկան Ֆեյսբուքյան իր էջում:
Նախարարի խոսքով՝ Հունգարիան գիտակցում է, որ իր դեմ կշարունակվի ԵՄ պայմանագրի 7-րդ հոդվածով նախատեսված քվեարկության իրավունքից հնարավոր զրկման ընթացակարգը։
