Հնդկաստան-Պակիստան վերջին բախումներն ընդգծեցին անօդաչու թռչող սարքերի (ԱԹՍ) դերի աճը, երբ երկու երկրները կիրառեցին դրանք լայնամասշտաբ հարձակումների համար՝ խուսափելով համապարփակ ռազմական էսկալացիայից: Reuters-ի աղբյուրների համաձայն, Հնդկաստանը պլանավորում է մինչև 470 միլիոն դոլար ներդնել տեղական ԱԹՍ արտադրությունում, մինչդեռ Պակիստանը ամրապնդում է համագործակցությունը Չինաստանի և Թուրքիայի հետ՝ տեխնոլոգիաների և արտադրական հնարավորությունների զարգացմա համար:
Մայիսին տեղի ունեցած չորսօրյա հակամարտության ընթացքում երկու երկրներն օգտագործեցին տարբեր ԱԹՍ-ներ՝ Հնդկաստանը՝ իսրայելական HAROP և տեղական սարքեր, Պակիստանը՝ թուրքական և տեղական արտադրության Shahpar-II: Չնայած Պակիստանի կողմից արձակված հարյուրավոր ԱԹՍ-ներին, Հնդկաստանը արդյունավետորեն օգտագործեց հին անթիռային հրանոթներ՝ դրանց մեծ մասը խոցելով, փոխանցում է Reuters-ը:
Փորձագետները նշում են, որ ԱԹՍ-ների կիրառումը թույլ է տալիս պետություններին ցուցադրել ուժ և վճռականություն՝ նվազագույն ռիսկով: Սակայն, ինչպես Հնդկաստանը, այնպես էլ Պակիստանը, շարունակում են կախված մնալ չինական բաղադրիչներից, ինչը կարող է լուրջ խոչընդոտ դառնալ ապագայում, հատկապես ռազմական տեխնոլոգիաների մատակարարման դեպքում:
