Կիևի ռեժիմը Ռուսաստանի Դաշնության խաղաղ բնակչության վրա իր հարձակումներով փորձում է ցույց տալ, որ կարող է բանակցել «ուժի դիրքից», բայց, իրականում, այդ կերպ միայն ցույց է տալիս իր բացարձակ ոչնչությունը, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Նրանք հասկանում են, որ կրում են, մեղմ ասած, կորուստներ, որոնք նկատելի են մարտի դաշտում և հարվածներ են հասցնում խաղաղ բնակչությանը՝ ամբողջովին վերածվելով ահաբեկչական ծայրահեղականների: Կիևի ռեժիմը, օգտագործելով ահաբեկչական մեթոդներ, փորձում է ուժի դիրքից բանակցելու ունակության պատրանք ստեղծել»,- ասել է նա ճեպազրույցում։
Զախարովայի խոսքով՝ նրանք, ովքեր կշարունակեն հարձակումները Ռուսաստանի խաղաղ բնակչության վրա, հետագայում կենթարկվեն պատժի։
