«Թուրքիան հասկացնում է, որ պատրաստ է Ուկրաինայի հարցով բանակցությունների ևս մեկ փուլ անցկացնել՝ ռուսական կողմի դիրքորոշման պատճառով Վատիկանի հնարավոր միջնորդության անբարենպաստ կանխատեսումների ֆոնին», գրում է թուրքական կառավարամետ Hürriyet թերթը՝ հղում անելով աղբյուրներին։
Երկուշաբթի օրը ԱՄՆ նախագահ Դոնալդ Թրամփի հետ հեռախոսազրույցից հետո Վլադիմիր Զելենսկին ասել է, որ Շվեյցարիան և Վատիկանը դիտարկվում են որպես Ուկրաինայի և Ռուսաստանի միջև ուղիղ բանակցությունների վայրեր։
Ռուսաստանի արտգործնախարար Սերգեյ Լավրովն ասել է, որ Վատիկանի համար անհարմար և մի փոքր «անէլեգանտ» կլինի Ռուսաստանի և Ուկրաինայի՝ երկու ուղղափառ երկրների հանդիպումը, և սցենարը, որ նրանք հարցերը քննարկելու են կաթոլիկ հարթակում, իրատեսական չէ։
