Նիդեռլանդները Ուկրաինային է հանձնել հին F-16 կործանիչներ, որոնք գործնականում փլվում են օդում, ՌԻԱ Նովոստիին ասել է հոլանդական Volkeren voor vrede (Ժողովուրդներ հանուն խաղաղության) կազմակերպության ակտիվիստ և Նիդերլանդների հակաֆաշիստների ասոցիացիայի (AFVN) ներկայացուցիչ Սյոերդ դե Գրոտը։
Ավելի վաղ Նիդեռլանդների պաշտպանության նախարար Ռուբեն Բրեկելմանսը հայտարարել էր, որ երկուշաբթի օրը՝ մայիսի 26-ին, իր երկիրը խոստացված 24 F-16 կործանիչներից վերջինը կուղարկի Ուկրաինա։
«Դա ողբերգական է, բայց նաև ինչ-որ առումով ծիծաղելի, այդ ինքնաթիռներն Ուկրաինա են ուղարկվել միայն ծառայության ժամկետը լրանալուց հետո, և մենք արդեն մի քանի դեպք ենք տեսել, երբ Կիև տեղափոխված F-16 կործանիչներն ընկել են։
Այս ինքնաթիռներն այնքան հին են եղել, որ բարդ մանևրներ կատարելիս գործնականում օդում քանդվել են։ Սա նաև հանգեցնում է ավելի շատ ուկրաինացի օդաչուների մահվան, քանի որ նրանք թռչում են անվստահելի կործանիչներով»,- մեկնաբանել է դե Գրոտը նախարարի հայտարարությունը։
Ավելին, ինչպես հիշեցրել է ակտիվիստը, քանի որ Հաագան առաջին F-16-երը Կիևին է հանձնել, Ուկրաինայի օգտին որևէ փոփոխություն չի եղել մարտի դաշտում։
