ԱՄՆ-ի և Իսրայելի կողմից աջակցվող Գազայի մասնավոր մարդասիրական հիմնադրամը (GHF) կսկսի օգնություն մատակարարել Պաղեստինի անկլավին մայիսի 26-ին` նպատակ ունենալով մինչև շաբաթվա վերջ հասցնել ծավալը 1 միլիոն մարդու:
«Մեր բեռնատարները բեռնված են և պատրաստ են մեկնելու: Երկուշաբթիից՝ մայիսի 26-ից, GHF-ը կսկսի ուղիղ օգնություն հասցնել Գազա: Մենք նախատեսում ենք արագորեն ընդլայնել մեր գործողությունները՝ առաջիկա շաբաթներին Գազայի ողջ բնակչությանը օգնություն տրամադրելու համար», - ասվում է GHF-ի հայտարարության մեջ, որը մեջբերում է Time-ը:
Հիմնադրամը քննադատել է նաև իր ստեղծման հակառակորդներին՝ մեղադրելով նրանց «անլուծելի խնդիրների կրեատիվ լուծումներին» խոչընդոտելու մեջ։
Ինչպես ավելի վաղ հաղորդվել էր, Իսրայելը, ԱՄՆ-ի աջակցությամբ, մտադիր է Գազայի հատվածի բնակիչներին օգնություն կազմակերպելու նոր սխեմա ստեղծել, որը ենթադրում է GHF-ին դե ֆակտո մենաշնորհային իրավունքի փոխանցում՝ բաշխման կենտրոններ ստեղծելու և սննդի փաթեթներ և այլ անհրաժեշտ ապրանքներ բաշխելու համար։
