Թուրքիայի արտաքին գործերի նախարար Հաքան Ֆիդանը մայիսի 25-27-ը կայցելի Մոսկվա՝ Ռուսաստանի արտաքին գործերի նախարար Սերգեյ Լավրովի հրավերով։ Նախատեսվում են նախարարների միջև բանակցություններ երկկողմ և միջազգային օրակարգի հարցերի լայն շրջանակի շուրջ։Մոսկվան և Անկարան պահպանում են հավասարակշռված և դինամիկ քաղաքական երկխոսություն, որը որոշվում է ամենաբարձր և բարձր մակարդակներում կանոնավոր շփումներով։
Երկու երկրների ղեկավարները անձամբ հանդիպել են 2024 թվականին՝ Աստանայում Շանհայի համագործակցության կազմակերպության պետությունների ղեկավարների խորհրդի նիստի և Կազանում կայացած BRICS գագաթնաժողովի շրջանակներում։Լավրովի և Ֆիդանի վերջին հանդիպումը տեղի է ունեցել 2025 թվականի ապրիլին՝ Անթալիայում կայացած միջազգային դիվանագիտական ֆորումում։
Թուրքիայի արտաքին գործերի նախարարության աղբյուրները նախկինում ՏԱՍՍ-ին հայտնել էին, որ թուրք նախարարը հույս ունի հանդիպել Ռուսաստանի նախագահ Վլադիմիր Պուտինի հետ Մոսկվա այցի ընթացքում։Խոսվել է նաև Ֆիդանի և Ռուսաստանի նախագահի օգնական Վլադիմիր Մեդինսկու, ինչպես նաև պաշտպանության նախարար Անդրեյ Բելոուսովի միջև Մոսկվայում երկկողմ հանդիպումներ անցկացնելու հնարավորության մասին։
«Ռուսական կողմը ակնկալում է, որ Մոսկվայում կայանալիք հանդիպումը կարևոր ներդրում կլինի երկու պետությունների միջև կապերի խորացման և ավելի կանխատեսելի տարածաշրջանային անվտանգության ճարտարապետության ձևավորման գործում»,-բանակցությունների նախօրեին հայտարարել է Ռուսաստանի արտաքին գործերի նախարարությունը։
