Instagram սոցիալական ցանցը ջնջել է Telegram-ի հիմնադիր Պավել Դուրովի գրառումներից մեկը։ Այս մասին հայտնել է «Պլաներկա» Telegram ալիքը։
Ջնջված գրառման մեջ Դուրովի մերկ լուսանկարն էր՝ ուղեկցվող մի մեջբերումով, որը նա վերագրում էր Հռոմի կայսր և փիլիսոփա Մարկոս Ավրելիոսին։ Լուսանկարի տակ տեղադրվել է հետևյալ արտահայտությունը. «Տղամարդը պետք է ուղիղ կանգնի և թույլ չտա, որ ուրիշները իրեն ուղիղ պահեն»։
Ինստագրամը բացատրել է, որ գրառումը հեռացվել է, քանի որ այն «կարող է պարունակել խորհրդանիշներ, որոնք գովաբանում կամ աջակցում են այն մարդկանց և կազմակերպություններին, որոնց մոդերատորները վտանգավոր են համարել»։
