Քեւին Քոսթների «Հորիզոն. ամերիկյան սագան» անցել է իր առաջին փորձությունը Կաննի 77-րդ ամենամյա կինոփառատոնում:Պրեմիերայից հետո հանդիսատեսը 10 րոպե հոտնկայս ծափահարությունների է արժանացրել ռեժիսորին: Ֆիլմը կարող է մեծ հիթ դառնալ Քոսթների համար, ով ոչ միայն խաղում է այնտեղ, այլեւ հանդես է եկել, որպես ռեժիսոր, պրոդյուսեր եւ համահեղինակ՝ Ջոբ Բերդի հետ միասին:
Սա յուրահատուկ եւ զգացմունքային պահ էր Քոսթների համար, ով պրեմիերայից հետո երկար ծափահարությունների ժամանակ արտասվել է: Նա նշել է, որ «երբեք չի մոռանա» այդ փորձառությունը:«Ցավում եմ, որ դուք ստիպված եղաք այդքան երկար ծափահարել ինձ, որպեսզի հասկանամ, որ պետք է ելույթ ունենամ», - կատակել է դերասանը,-«Ինչքան լավն եք, մարդիկ: Սա այնքան լավ պահ է ոչ միայն ինձ համար, այլեւ ինձ հետ եկած դերասանների, այն մարդկանց համար, ովքեր հավատացին ինձ ու շարունակեցին աշխատել»։Հետո նա սկսել է համբույրներ ուղարկել հանդիսատեսին, որոնք դեռ հոտնկայս ծափահարում էին։Այս պահը դերասանի համար առանձնահատուկ էր, քանի որ նրա յոթ երեխաներից հինգը եւս ներկա էին փառատոնին եւ ցուցադրությանը:
