Պանամայի իշխանությունները որոշել են վերսկսել Վենեսուելայի հետ օդային հաղորդակցությունը ավելի քան ինը ամսվա ընդմիջումից հետո։ Այս մասին հայտնել է երկրի Քաղաքացիական ավիացիայի վարչությունը Instagram-ում:
«Պանամայի քաղաքացիական ավիացիայի վարչությունը հաստատում է Վենեսուելայի հետ օդային հաղորդակցության վերականգնումը։ Սա թույլ կտա երկու երկրների ավիաընկերություններին վերսկսել գործունեությունը», - ասվում է հայտարարության մեջ։
Երկրների միջև օդային երթևեկությունը դադարեցվել էր պանամական կողմի նախաձեռնությամբ 2024 թվականի օգոստոսին։ Այդ ժամանակ Վենեսուելայում նախագահական ընտրություններ էին ընթանում, որոնցում հաղթանակ տարավ Նիկոլաս Մադուրոն։ Այնուհետև Պանամայի իշխանությունները հրաժարվեցին ճանաչել քվեարկության արդյունքները և կասեցրին դիվանագիտական հարաբերությունները Կարակասի հետ։
