Թուրքիան կշարունակի ակտիվ շփումները Ռուսաստանի և Ուկրաինայի հետ՝ հասնելու համապարփակ զինադադարի և արդար խաղաղության։ Այս մասին Բուդապեշտում հայտարարել է Թուրքիայի առաջնորդ Ռեջեփ Թայիփ Էրդողանը Թյուրքական պետությունների կազմակերպության ոչ պաշտոնական գագաթնաժողովում։
«Մենք խորապես զգում ենք այս պատերազմի գլոբալ հետեւանքները: Ստամբուլում մենք վերջերս անցկացրեցինք կողմերի առաջին հանդիպումը 2022 թվականից ի վեր առաջին անգամ: Մենք կշարունակենք մեր ինտենսիվ շփումները երկու երկրների հետ՝ հասնելու համապարփակ զինադադարի և արդար խաղաղության»,- ասել է Էրդողանը։
Մայիսի 16-ին Ստամբուլում բանակցություններ են տեղի ունեցել Ռուսաստանի և Ուկրաինայի միջև։ Հանդիպումից հետո Մոսկվան և Կիևը պայմանավորվել են գերիներին փոխանակել «1000-ը 1000-ի դիմաց» բանաձևով, ներկայացնել հնարավոր ապագա զինադադարի իրենց տեսլականը, մանրամասն ձևակերպել այն և շարունակել բանակցային գործընթացը։
