«Իրավունք» թերթը գրում է.
«Վաղարշապատի համայնքապետ Դիանա Գասպարյանը երեկ ծավալուն հայտարարությամբ էր հանդես եկել, թե դժվար որոշում է կայացրել կյանքի այս փուլում իրեն նվիրել ընտանեկան հանգիստ կյանքին, երեխայի դաստիարակությանը, ընտանիքի ընդլայնմանը, հետեւաբար առաջիկայում վայր է դնելու մանդատը՝ որպես Վաղարշապատ համայքնի ավագանու անդամ ու այլեւս չի զբաղեցնելու համայնքի ղեկավարի պաշտոնը։
Ինչ խոսք, հուզիչ է, միայն թե, իշխանական աղբյուրներն այս մասին այլ մանրամասներ են փոխանցում: Իշխանական կուլիսներում շրջանառվող տեղեկությունների համաձայն` Դիանա Գասպարյանին, պարզապես, չորով ասվել է, որ պետք է հրաժարական տա ու վերջ:Բանն այն է, որ Նիկոլ Փաշինյանն առաջիկա խորհրդարանական ընտրություններին ընդառաջ՝ որոշել է ձերբազատվել մութ պատմությունների ու սկանդալների մեջ հայտնված չինովնիկներից՝ չխնայելով եւ ոչ մեկին:
Հիշեցնենք, որ Դիանա Գասպարյանի ընտանիքին պատկանող գազալցակայանում վերջերս սպանություն էր տեղի ունեցել, ինչը, պարզապես, հնարավոր չեղավ կոծկել՝ իշխանությանը հարմար փաթեթավորմամբ»։
