Ketchup և սննդամթերք արտադրող Kraft Heinz-ը հայտարարում է 3 միլիարդ դոլարի ներդրման մասին՝ ԱՄՆ 30 գործարանները վերազինելու համար։ Սա ընկերության վերջին տասնամյակի ամենախոշոր ներդրումն է։ Նպատակն է բարձրացնել արտադրության արդյունավետությունը, նվազեցնել ծախսերը և արագացնել նոր ապրանքների թողարկումը։ Ընկերության խոսքերով՝ որոշումը մասամբ պայմանավորված է նախագահ Թրամփի սահմանած նոր սակագներով։
Kraft Heinz-ի Հյուսիսային Ամերիկայի նախագահ Պեդրո Նավիոն նշել է, որ ներդրումը թույլ կտա ընկերությանը պահպանել շուկայում իր դիրքերը՝ չնայած վաճառքների և շահույթի նվազման կանխատեսումներին։Ըստ ընկերության՝ նախագծի շրջանակում կստեղծվի շուրջ 3,500 ժամանակավոր շինարարական աշխատատեղ։ Նավիոն հավելել է, որ գրեթե ամբողջ արտադրությունը կատարվում է ԱՄՆ-ում, իսկ ներմուծումների ծավալը՝ հիմնականում Չինաստանից, աննշան է։
Ընկերությունն այժմ բախվում է ներմուծվող ապրանքների 10% սակագնին, որը, ըստ ղեկավարության, նպաստել է այս ներդրումային որոշմանը, հայտնում է Rurters-ը։
