ԱՄՆ Գերագույն դատարանը ժամանակավորապես դադարեցրել է վենեսուելացի միգրանտների ևս մեկ խմբին արտաքսելու Սպիտակ տան ծրագրերը, որոնք մեղադրվում են հանցավոր խմբավորման անդամ լինելու մեջ։ Այս մասին հայտնում է CNN-ը։
Դատարանի միջամտության պատճառը 2025 թվականի ապրիլի 18-ին միգրանտների փաստաբանների կողմից ներկայացված միջնորդությունն էր։ Նրանք նշում էին, որ իրենց պաշտպանյալները կարող են արտաքսվել առանց նախնական ծանուցման կամ արտաքսման որոշումը բողոքարկելու հնարավորության։ Փաստաբանները նշել են, որ որոշ միգրանտներ արդեն սկսել են նախապատրաստվել մեկնելուն։
Գերագույն դատարանի որոշումը պատճառաբանություններ չի ներկայացրել, սակայն վարչակազմին հրահանգել է հետագա քայլեր չձեռնարկել, քանի դեռ Լուիզիանայի դաշնային վերաքննիչ դատարանը չունի որոշում գործի վերաբերյալ: Այնուամենայնիվ, երկու դատավորներ՝ Սամուել Ալիտոն և Կլարենս Թոմասը, անհամաձայնություն են հայտնել վճռին:
Ավելի վաղ հաղորդվում էր, որ ԱՄՆ նախագահ Դոնալդ Թրամփի վարչակազմը նախատեսում է Սպիտակ տան աշխատանքի առաջին տարվա ընթացքում ԱՄՆ-ից արտաքսել 1 միլիոն օտարերկրյա միգրանտների։
Թարգմանությունը՝ Մանուել Թամազյանի
