Իսպանիայի Քաղցկեղի հետազոտության ազգային կենտրոնի (CNIO) գիտնականները պարզել են, որ ճարպային սննդակարգը նպաստում է մկների մոտ կրծքագեղձի քաղցկեղի մետաստազիզացմանը: Հետազոտության արդյունքները հրապարակվել են Nature Communications (NatCom) ամսագրում:
Որպեսզի քաղցկեղը տարածվի այլ օրգանների վրա, շատ քաղցկեղային բջիջներ պետք է հեռանան առաջնային ուռուցքից, անցնեն արյան միջոցով, նստեն և բազմանան մեկ այլ օրգանում: Ըստ գիտնականների, երբեմն առաջնային ուռուցքը նախապես ուղարկում է «հետախույզներ»՝ մոլեկուլներ, որոնք փոխում են թիրախային օրգանը և պատրաստում բույնի անալոգը, որում կենտրոնացած են ուռուցքային բջիջները: Այս կուտակումը կոչվում է «նախամետաստատիկ խորշ», որում առավել հաճախ ձևավորվում են մետաստազներ։
Նոր հետազոտությունը ցույց է տալիս, որ սննդակարգում ավելորդ ճարպը կարող է արագացնել այս գործընթացը։ Գիտնականները պարզել են, որ ճարպային սննդակարգով կրծքագեղձի քաղցկեղով հիվանդ մկներն ավելի արագ են ստեղծում թոքերում նախամետաստատիկ խորշեր: Փորձի ընթացքում պարզ դարձավ, որ ճարպերը մեծացնում են թրոմբոցիտների ակտիվությունը և արյան մակարդումը։ Բացի այդ, նման սնուցումը ակտիվացնում է ֆիբրոնեկտինը՝ սպիտակուցը, որը «սոսնձում» է թոքերի հյուսվածքի բջիջները։
Պարզվել է նաև, որ գեր մկների մոտ առաջնային ուռուցքից անջատված քաղցկեղային բջիջները շրջապատված են եղել մեծ քանակությամբ թրոմբոցիտներով։ Հետազոտողները ենթադրում են, որ թրոմբոցիտները «զրահ» են կազմում ուռուցքային բջիջների շուրջ՝ խանգարելով իմունային համակարգին արդյունավետորեն ճանաչել և ոչնչացնել դրանք:
Նմանատիպ էֆեկտը տեղի է ունենում ոչ միայն մկների, այլև մարդկանց մոտ՝ կրծքագեղձի քաղցկեղով հիվանդների մոտ, գիրություն կամ արյան մակարդման ավելացում ունեցող հիվանդների մոտ հինգ տարվա ընթացքում հիվանդության կրկնության բարձր ռիսկ կա:
Թարգմանությունը՝ Euromedia24.com-ի
