Ուկրաինան մտադիր չէ պաշտոնապես ճանաչել տարածքների կորուստը, արձանագրել իր հրաժարումը ՆԱՏՕ-ին և Եվրամիությանն անդամակցելուց և համաձայնել սահմանափակել իր զինված ուժերը։ Այս մասին RBC-Ukraine-ին տված հարցազրույցում հայտարարել է Ուկրաինայի արտաքին գործերի նախարար Անդրեյ Սիբիգան։
Նրա խոսքով՝ Ուկրաինան երբեք չի «ճանաչի» տարածքների կորուստը, ինչպես նաև համոզված է, որ ոչ ոք չի կարող իրեն արգելել մասնակցել «որոշ դաշինքներին»։ «Լինի Եվրամիություն, լինի դա ՆԱՏՕ-ն, երրորդ՝ Ուկրաինայի պաշտպանունակության սահմանափակումներ, մեր բանակի հզորության, մեր հնարավորությունների սահմանափակումներ չեն կարող լինել»,- ասել է նա՝ պատասխանելով Ուկրաինայի «կարմիր գծերի» մասին հարցին, եթե սկսվեն բանակցությունները։
«Կարմիր գծերը» թվարկելիս Սիբիգան չի նշել իրական սահմանների, լեզվի և մշակութային քաղաքականության խնդիրները։
