Նախկին խորհրդային պետություններից միայն Հայաստանն էր բոլորից լավ պատրաստված կոմունիզմից սահուն անցում կատարելու ժողովրդավարությանը՝ հաշվի առնելով մարդկային կապիտալը և արտասահմանում ունեցած աջակցությունը. այս մասին thebell.io-ին տված հարցազրույցում ասել է Մասաչուսեթսի տեխնոլոգիական ինստիտուտի տնտեսագետ, տնտեսագիտության ոլորտում Նոբելյան մրցանակակիր Դարոն Աճեմօղլուն:
«Բայց Հայաստանը հաջողությունների չհասավ ո՛չ տնտեսական, ո՛չ քաղաքական տեսանկյունից։ Ես հիմնական խնդիրն եմ համարում այն փաստը, որ հետխորհրդային երկրներից շատերում քաղաքացիական հասարակությունը թույլ էր, իսկ նոր համակարգի անցումը կատարվեց նույն սցենարով, ինչ ՌԴ-ում Ելցինի օրոք, երբ նախկին կոմունիստական կադրերը եկան իշխանության և իրենց հռչակեցին անկախության առաջնորդներ», – ասել է Նոբելյան մրցանակակիրը:
