CDU/CSU դաշինքի կանցլերի թեկնածու Ֆրիդրիխ Մերցը Գերմանիայի կառավարության ներկայիս ղեկավար Օլաֆ Շոլցից պահանջել է իր հետ համաձայնեցնել բոլոր դիվանագիտական հայտարարություններն ու որոշումները՝ պաշտոնը թողնելուց առաջ։ Այս մասին գրում է Bild թերթը։
Նրա տեղեկություններով՝ CDU/CSU-ն «Փոխըմբռնման հուշագիր» է ուղարկել Դաշնային կանցլերի գրասենյակ, որում պահանջում է չընդունել կադրային կարևոր որոշումներ և զսպվածություն պահպանել արտաքին քաղաքականության ասպարեզում՝ վկայակոչելով Մերցի հետ դիրքորոշումները համակարգելու անհրաժեշտությունը։
Շոլցը կանցլերի պաշտոնակատարի պաշտոնը կզբաղեցնի մինչև նոր կաբինետի ձևավորումը։ Մինչ այս նա կներկայացնի Գերմանիան միջազգային հանդիպումներում, մասնավորապես, մարտի 2-ին Լոնդոնում կգնա Ուկրաինային նվիրված կոնֆերանսին, իսկ մարտի 6-ին կայանալիք ԵՄ գագաթնաժողովին՝ Բրյուսել։ Երեքշաբթի օրը Շոլցն ու Մերցը կհանդիպեն մեկ բաժակ սուրճի շուրջ և կքննարկեն համագործակցությունը անցումային շրջանում, գրում է Bild-ը։
Գերմանիայի Սոցիալ-դեմոկրատական կուսակցությունը (SPD) նյարդայնացած էր պահպանողականների պահանջներից, սակայն SPD-ն վստահեցրեց, որ Շոլցը կտեղեկացնի ՔԴՄ առաջնորդին արտաքին քաղաքականության կարևոր որոշումների մասին։
