ԱՄՆ Ֆլորիդա նահանգի ափերին մոտեցող «Միլթոն» փոթորիկը հասել է երկրորդ կատեգորիայի, հայտնում է ԱՄՆ Փոթորիկների ազգային կենտրոնը (NHC):
Ավելի վաղ Ֆլորիդայում արտակարգ դրություն էր հայտարարվել մոտեցող արևադարձային «Միլթոն» փոթորկի պատճառով: Ըստ կենտրոնի 4.00 CDT (Մոսկվայի ժամանակով 12.00), քամու առավելագույն կայուն արագությունը կազմում է մոտ 155 կիլոմետր ժամում, փոթորիկը շարժվում է դեպի հարավ-արևելք 13 կմ/ժ արագությամբ:
Սպասվում է, որ փոթորիկը կհասնի Ֆլորիդայի արևմտյան ափին մինչև չորեքշաբթի: Եթե քամու արագությունը գերազանցի ժամում 150 կիլոմետրը, ապա փոթորիկների կատեգորիան կբարձրացվի երկրորդի, 180-ից՝ երրորդի, 210-ի դեպքում՝ չորրորդի:
Հինգերորդ, ամենավտանգավոր կատեգորիան վերագրվում է ժամում 250 կիլոմետրից ավելի:
