Չինաստանն ունի գործիքներ՝ հակազդելու ԱՄՆ նախագահ Դոնալդ Թրամփի մաքսային քաղաքականությանը, սակայն չի ցանկանում նոր առևտրային պատերազմ սկսել ԱՄՆ-ի հետ։ ՏԱՍՍ-ի թղթակցին այս կարծիքն է հայտնել Չինաստանի Ռենմինի համալսարանի Չոնգյանի ֆինանսական հետազոտությունների ինստիտուտի դեկան Վան Վենը։
«Նախ Թրամփի սակագնային քաղաքականությունը շատ հիմար է: Քիչ տնտեսագետներ կհամաձայնեն, որ նման մաքսային քաղաքականությունը իսկապես կարող է ԱՄՆ-ին կրկին մեծ դարձնել:
Մյուս կողմից, պետք է ասեմ, որ Թրամփի մաքսային քաղաքականությունը չի կարող խանգարել Չինաստանին շարունակել աճել», ասել է նա հավելելով՝ ութ տարի առաջ Թրամփի նմանատիպ քաղաքականությունը ձախողվել էր, և նույնը կլինի այս անգամ։
