Կառավարությունից մարդկանց հիասթափության պատճառներից մեկը կարող է լինել հացի փող չունենալը՝ չաշխատելու կամ ցածր աշխատավարձի պատճառով:
Այս մասին այսօր՝ հունվարի 31-ին, հրավիրված մամուլի ասուլիսում նշեց ՀՀ վարչապետ Նիկոլ Փաշինյանը՝ անդրադառնալով 5-րդ ալիքի՝ մարդկանց շրջանում անցկացված հարցումներին և պատասխանելով այն հարցին, թե չե՞ք ցավում, որ մարդիկ այսպիսի հիասթափություն ունեն:
«Մարդը չունի հացի փող, ես իրան տվել եմ հացի փող, բայց հաջորդ օրը պարզվել է՝ մարդը էլի չունի հացի փող, ես իրան նորից եմ տվել, բայց ես էլ փող չեմ ունեցել, որ տամ իրան: Բա ի՞նչ անենք, ժողովուրդ ջան: Պիտի շատ խոնարհ, սիրելով, հարգելով, գնահատելով՝ ասենք՝ հարգելիս, հարազատս, հացի փող ունենալու ձևը աշխատելն է:
Աշխատավարձը քիչ է, չի հերիքում՝ պատճառներից մեկը գուցե այն է, որ աշխատողի որակավորումը բավարար չէ: Համընդհանուր հայտարարագրման համակարգը դրա համար է:
Դրա համար մենք ասում ենք՝ 70 միլիարդ դնում ենք, որ մարդուն ասենք՝ եթե գնաք, ձեր որակավորումը մի քիչ բարձրացնեք, մենք այդ գումարը կվերադարձնենք ձեզ, որպեսզի դուք կարողանաք աշխատել և ունանալ հացի փող», - մեկնաբանեց Նիկոլ Փաշինյանը:
Արամ Սարգսյան
