ԱՄՆ պետքարտուղար Մարկո Ռուբիոն ասել է, որ Միացյալ Նահանգները պետք է վերահսկի Գրենլանդիան, քանի որ վախենում է, որ Չինաստանը կփորձի գրավել այդ տարածքը, քանի որ ձգտում է դառնալ Արկտիկայի տերություն:
«Մենք կարող ենք ենթադրել, որ ի վերջո, գուցե նույնիսկ կարճաժամկետ հեռանկարում, չինացիները կփորձեն Գրենլանդիայում անել այն, ինչ նրանք արդեն արել են Պանամայի ջրանցքում և այլ վայրերում տեղադրել այնպիսի կառույցներ, որոնք կապահովեն նրանց մուտքը Արկտիկա»,- ասել է Ռուբիոն լրագրող Մեգին Քելիի շոուի ժամանակ։
Ռուբիոն նշել է, որ դա լիովին անընդունելի է Միացյալ Նահանգների ազգային անվտանգության համար։ Եթե ենթադրենք այս սցենարը, ապա հակամարտության դեպքում Չինաստանը կարող է իր ռազմանավերն ուղարկել Գրենլանդիա եւ այնտեղից գործել։
