Մինչ հայկական լրահոսի գլխագրերը հիշեցնում են, որ ուղիղ 24 տարի առաջ՝ 2001 թ. հունվարի 29-ին, բարեկամ Ֆրանսիան պաշտոնապես ճանաչեց Հայոց ցեղասպանությունը, Մեծ Եղեռնը վերապրած ժողովրդի հայրենիքում՝ ցեղասպանության հանցագործության դեմ պայքարի երբեմնի առաջամարտիկ Հայաստանում, որքան էլ կարող է անհավատալի թվալ, ժխտողականության դեմ ներքին պայքարի խնդիր է առաջացել:
Վարչապետ Նիկոլ Փաշինյանի՝ Հայոց ցեղասպանության փաստը կասկածի դնող խոսքերը դժգոհության լուրջ ալիք են բարձրացրել հանրապետությունում և սփյուռքահայ գաղթօջախներում: Փաշինյանի հայտարարությունը խստորեն քննադատել են հասարակական, քաղաքական տարբեր գործիչներ, գիտնականներ, նախկին զինվորականներ, նախկին բարձրաստիճան դիվանագետներ:
Նիկոլ Փաշինյանի աշխատակազմից դեռևս չեն արձագանքել իր հասցեին հնչած կոշտ քննադատություններին ու մեղադրանքներին: Փոխարենն իրենց քաղաքական լիդերի պաշտպանության գործին ակտիվորեն լծվել են Ազգային ժողովի՝ «Քաղաքացիական պայմանագիր» խմբակցությունը ներկայացնող պատգամավորները՝ իրենց ֆեյսբուքյան էջերում հրապարակված հայտարարություններում պնդելով, թե Փաշինյանը ո՛չ ուրացել է Հայոց ցեղասպանությունը, ո՛չ էլ կասկածի տակ է դրել այդ փաստը:
Մանրամասները՝ տեսանյութում:
Հեղինակ՝ Արամ Սարգսյան
