Տարեկան հայտարարագիր ներկայացնելու համար յուրաքանչյուր քաղաքացի ստիպված կլինի իր գրպանից ծախսել մոտավորապես 6500 դրամ գումար։Ահա, թե ինչ վճարումներ են հարկավոր սեփական հայտարարագիրը ներկայացնելու համար։
ID նույնականացման քարտ չունենալու դեպքում հարկավոր է այն ձեռք բերել ՆԳՆ միգրացիայի և քաղաքացիության ծառայության տարածքային ցանկացած գրասենյակից։ Նույնականացման քարտը 20-21 օրում ստանալու համար անհրաժեշտ է վճարել 3000 դրամ։
1 աշխատանքային օրվա ընթացքում ստանալու համար քաղաքացին պետք է վճարի 3,000-ից բացի 20,000 դրամ,3 աշխատանքային օրում ստանալու համար՝ 3,000 դրամից բացի 10,000,5 աշխատանքային օրում ստանալու համար՝ 3,000 բացի 5,000 դրամ, Հայտարարագիր ներկայացնելու համար նախևառաջ անհրաժեշտ է ունենալ խիստ էլեկտրոնային նույնականացում և էլեկտրոնային ստորագրություն՝ եկամուտների վերաբերյալ տվյալների գաղտնիությունը, անվտանգությունը և դրանց հասանելիությունը բացառապես ձեզ համար ապահովելու նպատակով:
Էլեկտրոնային ստորագրություն ունենալու և այն հեռախոսահամարին կցելու համար անհրաժեշտ է մոտենալ հեռախոսային որևէ օպերատորի գրասենյակ։
SIM քարտը նոր չլինելու պարագայում հարկավոր կլինի վճարել 500 դրամ։ Այնուհետև, էլեկտրոնային ստորագրությունը ակտիվացնելու համար հարկավոր է վճարել 3000 դրամ «ԷԿԵՆԳ» ՓԲԸ-ին՝ Էլեկտրոնային կառավարման ենթակառուցվածքների ներդրման գրասենյակին։ Տարեկան հայտարարագիր չներկայացնելու դեպքում սահմանվում է տուգանք։
Առաջին անգամ լինելու է նախազգուշացում, որից հետո 30 օրվա ընթացքում չներկայացնելու դեպքում 5 հազար դրամ տուգանք է սահմանված, ևս 30 օր չներկայացնելու դեպքում՝ 10 հազար դրամ տուգանք։Որոշակի անձանց համար վարչական պատասխանատվությունը բարձր է, մասնավորապես՝ 2024 թվականի ընթացքում 20 միլիոն դրամ և ավելի փոխառություն ստացած Հայաստանի քաղաքացիները. նրանց դեպքում տուգանքը 50 հազար դրամ է, կրկնվելու դեպքում՝ 100 հազար դրամ։
Սոնա Հարությունյան
