ԵՄ դիվանագիտական ծառայության ղեկավար Կայա Կալլասը հայտարարել է, որ Եվրամիությունը սեփական բանակի կարիք չունի, քանի որ Հյուսիսատլանտյան դաշինքը ներառում է կազմակերպության 27 անդամ երկիր։ Նրա կարծիքով, ՆԱՏՕ-ն և ԵՄ-ն պետք է սերտորեն համագործակցեն։
«Մենք չպետք է կրկնօրինակենք այն, ինչ արդեն անում է ՆԱՏՕ-ն: ԵՄ-ում մենք ունենք 27 բանակ, և նրանք բոլորը պետք է նպաստեն հավաքական պաշտպանությանը, որտեղ մենք համագործակցում ենք միասին:
Յուրաքանչյուր երկիր ունի պաշտպանական պլանավորում և պաշտպանական բյուջե: Այսպիսով, մենք չենք կարող ասել, որ մեզ անհրաժեշտ է եվրոպական բանակ, բայց մեզ պետք է, որ այս 27 ԵՄ անդամները շատ լավ աշխատեն միասին, երբ խոսքը վերաբերում է ՆԱՏՕ-ին և ԵՄ-ին», - ասել է Կալլասը Anadolu գործակալությանը հունվարի 24-ին Թուրքիա կատարելիք իր այցից առաջ:
«Մենք ունենք բազմաթիվ հարցեր օրակարգում, բացի տարածաշրջանային անվտանգությունից, կարող ենք քննարկել համագործակցությունը տարբեր ոլորտներում, ինչպիսին է էներգետիկան», - նշել է նա։
