Ճապոնիայում 26-ամյա կինն ու նրա 52-ամյա հայրը ձերբակալվել են երեք տարեկան տղային խոշտանգելու համար։ Ինչպես փոխանցում է Euromedia24-ը՝ այս մասին գրում է NHK-ն։
Միջադեպը տեղի է ունեցել Հիրոսիմայում։ Ինչպես պարզել է հետաքննությունը, անցյալ տարվա սեպտեմբերին պապը ժապավենով փակել է թոռան բերանը, փաթաթել տղայի ձեռքերն ու ոտքերը և պահել ստվարաթղթե տուփի մեջ։
Հունվարին մայրն ու պապը հյուծված վիճակում երեխային հիվանդանոց են բերել։ Նա արդեն կոմայի մեջ էր։
Ոստիկանությունը կասկածում է, որ տղան ենթարկվել է համակարգված բռնության: Ե՛վ մայրը, և՛ պապն արդեն ընդունել են իրենց մեղքը։
