«Զինվորներ» և «Ռուբլյովկայի ոստիկան» ֆիլմի աստղ Բորիս Էստրինի ինքնազգացողությունը կտրուկ վատացել է։ Euromedia24.com-ը SHOT-ին հղումով հայտնում է, որ 2-րդ տիպի շաքարախտի պատճառով դերասանի ոտքերը դադարել են գործել։
Ինչպես տեղեկացանք, 55-ամյա Բորիս Իսաակովիչը դիմել է բժիշկներին՝ գանգատվելով ոտքերի մկանների թմրածությունից և ուժեղ հոգնածությունից։ Նա նաև հայտնել է, որ իր համար դժվար ու ցավոտ է եղել շարժվելը։
Հետազոտությունից հետո բժիշկները նրա մոտ 2-րդ տիպի շաքարախտ են ախտորոշել՝ բարդություններով, ինչպես նաև կենտրոնական նյարդային համակարգի հետ կապված խնդիրներ։
Բացի այդ, Էստրինը տառապում է մշտական ցավից և գլխապտույտից, նկատվում է անտարբերություն և թուլություն։ 2-րդ տիպի շաքարախտի դեպքում կա ոսկրերի և հոդերի նեկրոզի, ինչպես նաև խորը հյուսվածքների և նյարդային մանրաթելերի քայքայման վտանգ։
