Խայտառակ պարտություն կրած երկրի ղեկավարը չի կարող արդյունավետ բանակցել։ Այս մասին այսօր լրագրողների հետ զրույցում ասաց «Հայաստան» խմբակցության պատգամավոր Լևոն Քոչարյանը։
«Որպես պետություն մեր միակ գործիքն այն է, որ իշխանությունները և բոլորս բոլոր հնարավոր տեղերում բարձրաձայնենք այս խայտառակության մասին, որը կատարվում է Ադրբեջանում։
Ես համաձայն չեմ իրենց մոտեցման հետ, հակառակը բոլոր միջազգային հարթակներում պետք է անընդհատ և միշտ խոսեն այս ամենի մասին»,- նշեց նա։ Քոչարյանի կարծիքով՝ ճիշտ չէ իշխանությունների կողմից բանակցություններ վարելու գործընթացները, ըստ նրա՝ հարցի լուծումը ճնշում գործադրելն է․ «Թուրքիան մշտապես ասել է, որ Թուրքիա-Հայաստան հարաբերությունները միշտ են կապված Ադրբեջանի հետ հարաբերություններով։
Այս մասով անկեղծ են, գիծը էդպես շարունակում են։ Ես նույն կարծիքին եմ մնում, որ խայտառակ պարտություն կրած գործող այդ ժամանակ երկրի ղեկավարը չի կարող բանակցել արդյունավետ և մենք դրա ականատեսն ենք լինում վերջին 4 տարվա ընթացքում»,- ասաց Լևոն Քոչարյանը։
