Իրանը, ուկրաինական կողմի հետ բանակցություններում, հերքել է մեղադրանքները, թե Թեհրանը մասնակցում է ուկրաինական հակամարտությանը։ Այս մասին հայտարարել է հանրապետության արտաքին գործերի նախարարության պաշտոնական ներկայացուցիչ Էսմայիլ Բաղայը։
«Երբ ի հայտ եկան մեղադրանքներ ուկրաինական հակամարտությունում Իրանի դերի մասին, մենք դա քննարկեցինք ինչպես Ուկրաինայի, այնպես էլ նրանց հետ, ովքեր նման մեղադրանքներ էին հնչեցնում, մենք բազմիցս կրկնել ենք մեր դիրքորոշումը եվրոպական երկրների հետ բանակցություններում հակամարտությունը կործանարար քայլ է։
Եթե գոնե ինչ-որ փաստաթղթեր կամ ապացույցներ լինեին ուկրաինական հակամարտությունում Իրանի ներգրավվածության մասին, մենք պատրաստ կլինեինք քննարկել դա», - ասել է դիվանագետը շաբաթական ճեպազրույցի ժամանակ, սակայն չի հստակեցրել, թե կոնկրետ երբ է Թեհրանը շփվում Կիևի հետ:
Ռուսաստանն ու Իրանը բազմիցս մերժել են Ուկրաինայում ռուս զինվորականների կողմից իրանական զենքի մատակարարման վարկածները։
