ԱՄՆ նորընտիր նախագահ Դոնալդ Թրամփը երկուշաբթի օրը իր երդմնակալության արարողության համար հավաքել է ռեկորդային 250 միլիոն դոլար։ Այս մասին հայտնում է ABC հեռուստաընկերությունը՝ վկայակոչելով աղբյուրին։
Դրա տվյալներով՝ միջոցները հավաքագրվել են Թրամփի և նրա փոխնախագահ Ջեյմս Դեյվիդ Վենսի երդմնակալության կոմիտեի կողմից, ինչպես նաև երդմնակալության միջոցառումների համար դրամահավաք այլ խոշոր կազմակերպությունների կողմից։ Համեմատության համար նշենք, որ 2017-ին Հանրապետականի նախորդ երդմնակալության ժամանակ հավաքվել է ընդամենը 107 միլիոն դոլար:
Հեռուստաընկերության տվյալներով՝ հանրապետականների երդմնակալությունը կֆինանսավորեն խոշոր տեխնոլոգիական ընկերությունները, որոնց ղեկավարները հունվարի 20-ին ներկա կլինեն Վաշինգտոնում կայանալիք միջոցառմանը: Դրանց թվում են Meta-ն, Apple-ը, Amazon-ը, Google-ը, Microsoft-ը, OpenAI-ն և Uber-ը։
Աղբյուրները հայտնել են նաև կրիպտոարժույթների արդյունաբերության խոշոր խաղացողների ֆինանսավորման մասին։
