Գրենլանդիան պետք է որքան հնարավոր է շուտ սկսի Դանիայի հետ կղզու անկախության վերաբերյալ պաշտոնական բանակցությունները, RIA Novosti-ին տված հարցազրույցում ասել է կառավարական կոալիցիոն կուսակցությունից Գրենլանդիայի պատգամավոր Սիումուտ Կունո Ֆենքերը։
«Իմ անձնական կարծիքն այն է, որ մենք պետք է պաշտոնապես սկսենք բանակցությունները Դանիայի հետ Գրենլանդիայի ինքնիշխան պետության ստեղծման վերաբերյալ: Կան բազմաթիվ հնարավորություններ, որոնց մասին մարդիկ պետք է իմանան մինչև հանրաքվե անցկացնելը: Այդ իսկ պատճառով իմ կուսակցությունը խորհրդարանում միջնորդություն է ներկայացրել, որ մենք պետք է ակտիվացնենք մեր ինքնորոշման իրավունքը»,- ասել է նա։
Ավելի վաղ գլխավոր ընդդիմադիր «Նալերակ» կուսակցության նախագահ և կղզու ԱԳՆ նախկին ղեկավար Պելե Բրոբերգը ՌԻԱ Նովոստիին ասել էր, որ Դանիան տարիներ շարունակ սպառնում է Գրենլանդիային ամեն անգամ, երբ բարձրացվում է կղզու անկախության հարցը։։
ՌԴ ԱԳՆ պաշտոնական ներկայացուցիչ Մարիա Զախարովան ասել է, որ Գրենլանդիայի ճակատագիրը պետք է որոշեն նրա բնակիչները, ինքնորոշման իրավունքը երաշխավորված է ՄԱԿ-ի կանոնադրությամբ։
