Euromedia24 on Play Store Euromedia24 on App Sore
BNB

$595.69

BTC

$83316

ADA

$0.645074

ETH

$1802.54

SOL

$117.17

18 °

Yerevan

12 °

Moscow

37 °

Dubai

16 °

London

18 °

Beijing

17 °

Brussels

18 °

Rome

9 °

Madrid

BNB

$595.69

BTC

$83316

ADA

$0.645074

ETH

$1802.54

SOL

$117.17

18 °

Yerevan

12 °

Moscow

37 °

Dubai

16 °

London

18 °

Beijing

17 °

Brussels

18 °

Rome

9 °

Madrid

Աշխատել 7 ժամ, ստանալ՝ 8 ժամի աշխատավարձ. ինչու են ցանկանում կրճատել աշխատաժամանակը. մանրամասներ

Օրական աշխատել 7 ժամ՝ 8-ի փոխարեն, շաբաթական՝ 35 ժամ՝ 40-ի փոխարեն՝ պահպանելով աշխատավարձը:

Նախագիծը ՀՀ աշխատանքի և սոցիալական հարցերի նախարարությունն է ներկայացրել հանրային քննարկման։

Հիմնավորման մեջ ասվում է, որ օրական 8-ժամյա աշխատանքի մոդելի ներդրումից հետո տեղի ունեցած տեխնոլոգիական փոփոխությունները նպաստել են բազմաթիվ գործընթացների ավտոմատացման։ Որպես օրինակ է բերվում Ֆրանսիան, Շվեդիան, Նորվեգիան, Իսլանդիան և այլ երկրներ, որտեղ արդեն իսկ ներդրվել է աշխատաժամանակի ճկուն ռեժիմ՝ կրճատելով աշխատաժամանակը։

Աշխատանքային գրաֆիկը, օրինակ, Ֆրանսիայում չի գործում 2000-ականների սկզբից, Շվեդիայում՝ 2015-ից, Իսլանդիայում և Նորվեգիայում՝ 20-րդ դարավերջին։

Աշխատանքի և սոցիալական հարցերի փոխնախարար Ռուբեն Սարգսյանը «Հայկական ժամանակ»-ի հետ զրույցում համոզմունք է հայտնում, որ սա մարդկային կապիտալի զարգացմանը նպաստող գլոբալ նախագիծ է։ Ըստ նրա՝ մարդիկ ազատ ժամանակի ավելի մեծ հնարավորություն կունենան․ «Կնպաստի, որ անձնական կյանքին ավելի շատ ժամանակ հատկացնեն, սոցիալական խնդիրները լուծեն։ Կբարձրացնի մարդկանց աշխատունակության որակը, հանգստի ժամանակը կավելանա, ընտանիքի հետ ավելի շատ ժամանակ կանցկացնեն, սթրեսը, լարվածությունը և գերհոգնածությունը կնվազեցվեն։ Մեզ մոտ 8-երի գաղափարախոսություն կա․ 8 ժամ աշխատում ենք, 8 ժամ՝ հանգստանում, 8 ժամ՝ քնում։ Դա 1800-ականներից է գալիս, երբ տեղի ունեցան տնտեսական հեղափոխությունները»։

Սակայն այժմ, եթե համեմատվեն 1900-ի սկզբին ու 2025 թվականը, ապա, ըստ Սարգսյանի, տնտեսության մեծ թռիչք կա, տեխնոլոգիաներն են զարգացել, արտադրողականության աճ կա, հետևաբար աշխատանքի ճկունությունը դարձել է կարևոր բաղադրիչ:

«Դա նկատի ունենալով, ամփոփելով տարբեր հանդիպում-քննարկումները, հաշվի առնելով նաև նախարարության մշակած երկու խոշոր ռազմավարական ծրագրերը, որոնցից են ժողովրդագրության զարգացումն ու զբաղվածության ռազմավարությունը, ընդգծվեց, որ դրանց հիմքում մարդկային կապիտալի զարգացումն է, որի նպատակով էլ քայլեր է պետք մշակել»,- ասում է նա:

Միաժամանակ փոխնախարարը շեշտում է, որ այս առաջարկը դեռ գաղափար է, իսկ եթե ընդունվի, վերաբերելու է թե՛ մասնավոր, թե՛ պետական հատվածին։ Վերջինս նկատում է՝ նախագծի երկու թիրախային խմբերն են աշխատողն ու բիզնես համայնքը։

«Կան բիզնես ոլորտի ներկայացուցիչներ, որոնք արդեն իսկ անցել են այդ գրաֆիկին, կամ ճկունության այլ մեխանիզմներ են մշակել։ Կան բիզնեսներ, որոնք դիտարկումներ ունեն։ Բոլորի առաջարկությունները մենք լսել ենք, լսել ենք նաև արհմիությունների առաջարկները, դրական դիրքորոշումները։ Ընդհանուր առմամբ, նախագիծը 90 տոկոսով դրական տեսակետներ ունի։ Այսինքն՝ այդ առաջարկները քննարկելուց հետո արդեն կհասկանանք, կորոշենք, թե ինչ քայլեր ենք սկսելու։ Սա այն գաղափարն է, որն առաջ ենք բերել քննարկելով»,- մանրամասնում է նա։

Ռուբեր Սարգսյանը կարևորում է աշխատանքի ժամերի կրճատմանը զուգահեռ աշխատավարձի պահպանումը։ Հետևաբար այստեղ մտահոգություն և հարց չպետք է առաջանա՝ ի՞նչ են անելու այն աշխատողները, որոնք աշխատում են գործարքային պայմանագրով և վարձատրվում են՝ ըստ աշխատաժամերի։ Նրա վստահեցմամբ՝ ժամերը կփոխվեն, սակայն աշխատավարձը կրճատելու իրավունք չի լինի։

Արդյոք գործատուները կպահե՞ն աշխատողի համար այս ուրախալի որոշումը, փոխնախարարն ընդգծում է՝ վերահսկողական ծառայություններն իրականացնելու է Առողջապահական և աշխատանքի տեսչական մարմինը, խախտումներ հայտնաբերելու դեպքում որոշելու է հետագա քայլերի իրականացումը տվյալ գործատուի նկատմամբ․ «Բացի դրանից՝ մարդիկ ունեն իրավունք օգտվելու տարբեր գործիքակազմերից, եթե իրենց իրավունքները խախտվում են․ կարող են դիմել տեսչական մարմնին, դատական համակարգին։ Պրակտիկան ցույց է տալիս, որ աշխատանքին վերաբերող վեճերի դատական վճիռներն ավելի շատ քաղաքացիների օգտին են»։

Նախագիծը որևէ կերպ չի ոտնահարելու նաև գործատուների իրավունքը, հավատացնում է Սարգսյանը։ Հակառակը, նրա համոզմամբ, նախագծի ընդունման դեպքում թե՛ պետական, թե՛ մասնավոր հատվածում կստեղծվեն նոր աշխատատեղեր, և կավելանան հաստիքները, որը կարող է հանգեցնել պետական և տեղական ինքնակառավարման մարմինների բյուջեներում ծախսերի և եկամուտների ավելացմանը, որոնց մասով, սակայն, հստակ գնահատական տալ հնարավոր չէ։

Վերջինս նկատում է՝ նախարարությունը բոլոր բարեփոխումներն իրականացնում է՝ ուսումնասիրելով միջազգային փորձը զարգացած երկրներում։

Նախարարությունն այժմ առաջին փուլով նախագիծը քննարկում է, հաջորդիվ պարզ կլինի, թե ինչպիսի փոփոխությունների կարիք կա։ Ընդունվելու համար այն պետք է ամբողջապես պատրաստ լինի, ներկայացվի Կառավարություն, որից հետո Ազգային ժողովում դրվի քվեարկության։

Իրավական ակտերի նախագծերի հրապարակման միասնական կայքում՝ e-draft-ում, նախագծի մասին դրական շատ մեկնաբանություններ կան։ Օրինակ՝ քաղաքացիներից մեկը աշխատանքային օրերի մասով մի առաջարկ է ներկայացրել․ ԱՄԿ-ի շատ երկրներում այսօր գործում է 4-օրյա աշխատանքային ռեժիմը, որպեսզի աշխատողը շաբաթվա մնացած օրերն անցկացնի ընտանիքի հետ։

Մեկ այլ քաղաքացի էլ նկատել է. «Պարզապես հրաշալի նախաձեռնություն է, հիմնավորված այնքանով, որ իրապես սթրեսածին այս միջավայրում ապրելով՝ մեկ ժամ ավելի հաճելի զբաղմունքին տրամադրելը նպաստավոր կլինի և՛ առողջության, և՛ սոցիալապես ավելի ակտիվ լինելու, ընտանիքին ու երեխաներին տրամադրելու տեսանկյունից»։

Ոմանք էլ մտավախություն են հայտնել, որ մասնավոր կազմակերպությունները կփորձեն շրջանցել նախագիծը։

Այս պահին E-draft-ում նախագիծն ունի 966 կողմ, 43 դեմ ձայներ։

Լրահոս

Ջալալ Հարությունյանի դատավճռի դեմ բողոքներ են ներկայացվել
Լավրովը խոսել է Մալիի գործընկերների հետ ռուս զինվորականների համագործակցության մասին
Երևանում կառավարական համարանիշներով ջիպը երթևեկել է հանդիպակաց, անցել կարմիրի տակով, վտանգել մանկասայլակով կնոջ կյանքը
Բացառիկ
ԱՄՆ բանակը նախատեսում է իրականացնել հեռահար հիպերձայնային զենքի փորձարկումը (տեսանյութ)
Հունգարիան նշել է ՄՔԴ-ից դուրս գալու պատճառը
Քաղաքապետարանը փողոցներում դրոշներ, փուչիկներ, խաղալիքներ վաճառողների հանդեպ կոպիտ վերաբերմունք է ցուցաբերում. Պատգամավոր
Բացառիկ
Ալիևը պահանջում է փոխել ՀՀ Սահմանադրությունը. Գալյանը արձագանքում է՝ պայմանագրի կնքմանը պատրաստ են (տեսանյութ)
Հութիները Կարմիր ծովում հարվածել են ամերիկյան ավիակիր խմբին
Նիգերը հույս ունի Ռուսաստանի աջակցության վրա ահաբեկչության դեմ պայքարում
Նարեկ Զեյնալյանի թեկնածությունը քննարկվում է «Գրիգոր Լուսավորիչ» ԲԿ-ի տնօրենի պաշտոնում. Ավանեսյան (տեսանյութ)
Ռուբիո. ԱՄՆ-ը կմնա ՆԱՏՕ-ում
ԱՄՆ իշխանությունները հույս են հայտնել, որ Ուզբեկստանից ապօրինի ներգաղթյալները կվերադառնան հայրենիք
Եթե արցախցիներից էլ եք հրաժարվում ասեք՝ իմանանք. բողոքի ակցիա (տեսանյութ)
Գերմանիան ԱՄՆ-ի մաքսատուրքերը անվանել է աննախադեպ հարձակում առևտրի վրա
Ֆրանսիայի վարչապետը ԱՄՆ-ի մաքսատուրքերը աղետ է անվանել
ՄԻՊ-ը՝ «Նուբարաշեն» ՔԿՀ-ում դատապարտյալներին ծեծի ենթարկելու մասին
Ֆիդանը Փարիզում բանակցություններում աջակցել է Ուկրաինայի վերաբերյալ դիվանագիտական ​​ջանքերին
Կարևոր է շարունակել գործընկերային փոխգործակցությունը՝ հիմնվելով պետությունների շահերի վրա. Միրզոյանը՝ Լավրովին
Հութիները հայտնել են, որ Եմենում ԱՄՆ-ը ավելի քան 36 հարված է հասցրել
Կարևոր
Լավրով. Ռուսաստանը և Հայաստանը պահպանում են դաշինքը

Լրացուցիչ նորություններ

...

Եթե արցախցիներից էլ եք հրաժարվում ասեք՝ իմանանք. բողոքի ակցիա (տեսանյութ)

ՄԻՊ-ը՝ «Նուբարաշեն» ՔԿՀ-ում դատապարտյալներին ծեծի ենթարկելու մասին

Կխստացվեն ծառայությունից խուսափելու համար նախատեսված պատիժները

Իրավապաշտպանի ահազանգը. «Նուբարաշեն» ՔԿՀ-ում ցմահ դատապարտյալների ջարդ է

Բացահայտվել են ընտրակաշառք տալու և ստանալու նոր դեպքեր. հակակոռուպցիոն կոմիտեն՝ «Տատիկների գործ»-ի մասին (տեսանյութ)

Մի քանի օր անց կրկին ներխուժել են Զարուհի Փոստանջյանի հայրական տան տարածք ու ավերել (տեսանյութ)

Չեմ հայհոյել․ պապիկիս թաղմանն էի շտապում․ պարեկների կողմից բռնության ենթարկված վարորդ

Կասեցվել է «Գազպրոմ Արմենիա»-ի մասնաճյուղի ապօրինի ջրառը. ԲԸՏՄ

Մերսման դիմաց վճարել էին հուշանվեր-թղթադրամներով․ երիտասարդները բերման են ենթարկվել

Ալավերդու Մանկապատանեկան ստեղծագործական կենտրոնը հիմնանորոգված է․ վարչապետը տեսանյութ է հրապարակել

Երևանում վերջին 3 տարում տնկել ենք 20.192 նոր ծառ. Տիգրան Ավինյան

Ոստիկանության Գառնիի բաժնի պետը Նոր Հաճնի կամրջի վրա փրկել է ինքնասպանության փորձ կատարող 35-ամյա տղամարդու կյանքը

Բարձր վտանգավորությամբ թմրանյութերի շրջանառությունն աճել է ՀՀ-ում

Պարեկները քաշքշելով հանում են վարորդին մեքենայից և «փռում ասֆալտին» (տեսանյութ)

Վաղինակ Գալուստյանը վերընտրվել է ԵՕՀՊՄ քոլեջի տնօրենի պաշտոնում

Արդյո՞ք Փաշինյանին և իր թիմին կհաջողվի 2026 թվականի ընտրություններում հաղթանակ տոնել․ հարցում (տեսանյութ)

ՀՀ ԶՈՒ-ն կրակ չի բացել ադրբեջանական դիրքերի ուղղությամբ․ ՀՀ ՊՆ

Մահացության դեպքերի տագնապալի աճ՝ Հայաստանի քրեակատարողական հիմնարկներում

«Էլոլա» ՓԲԸ-ին պատկանող «Պանիր չանախ» արտադրատեսակը չի համապատասխանել սահմանված պահանջներին

Ապրիլյան պատերազմից հետո ցավի հետ նաև հպարտություն կար. Ադամ Սահակյանի մայր