Խառը մենամարտերի (MMA) թեթեւ քաշային կարգում դասակարգման առաջին համար, Հայաստանի ներկայացուցիչ Արման Ծառուկյանը համաձայն է UFC նախագահ Դանա Ուայթի այն հարցում, որ տիտղոսի հավակնորդի կարգավիճակը պետք է դարձյալ վաստակել։
Հայ մարզիկը գրառում է արել սոցիալական ցանցերում։
«Համաձայն եմ Դանա Ուայթի հետ։ Մեջքս բուժելուց անմիջապես հետո պատրաստ կլինեմ ապացուցել, որ իրական համար մեկ հավակնորդն եմ՝ մենամարտելով ցանկացածի դեմ»,- գրել է Արման Ծառուկյանը։
Տիտղոսի արդեն նախկին հավակնորդ Արման Ծառուկյանը մեջքի վնասվածքի պատճառով հրաժարվել էր չեմպիոն Իսլամ Մախաչեւի (Ռուսաստան) հետ մենամարտից։
Արման Ծառուկյանին փոխարինել էր դասակարգման 10-րդ համար, բրազիլացի Ռենատո Մոյկանոն, որն առաջին ռաունդում պարտվեց Իսլամ Մախաչեւին։
