Բրազիլիայի Ամազոնաս նահանգի սիրողական ֆուտբոլային թիմի դարպասապահ Էդսոն Լոպես Գաման մահացել է կրծքին գնդակի հարվածից։ Ողբերգական դեպքը ֆիքսել են տեսախցիկները։
Euromedia24.com-ի փոխանցմամբ՝ ականատեսների նկարահանած կադրերում երիտասարդը կանգնում է դարպասում և պատրաստվում բռնել գնդակը։ Հաջորդ պահին գնդակը դիպչում է նրա կրծքին, որից հետո տղան սեղմում է սիրտը և ընկնում։
Ինչպես նշում է The Sun-ը, տղային գյուղական տարածքով 11 ժամ հիվանդանոց են տեղափոխել, ճանապարհին նա մահացել է։
Նշվում է, որ մարզիկը սրտի հիվանդություններ չի ունեցել։
