Իսրայելի և ՀԱՄԱՍ-ի միջև Գազայի հատվածում հրադադար հաստատելու պայմանավորվածությունը աշխարհին ցույց տվեց, որ պաղեստինցիների և դիմադրության ուժերի տոկունությունն ու համբերությունը ստիպեցին հրեական պետությանը նահանջել: Նման կարծիք է հայտնել Իրանի գերագույն առաջնորդ Ալի Խամենեին։
«Այսօր աշխարհը հասկացավ, որ պաղեստինցիների համբերությունը և դիմադրության ուժերի տոկունությունը ստիպեցին Սիոնիստական ռեժիմին (Իսրայելին) նահանջել», - գրել է Խամենեին X-ում: Նա նաև կրկնօրինակել է իր հրապարակումը եբրայերենով:
Իրանի առաջնորդի խոսքով, մի օր անպայման գրքերում գրելու են, որ իսրայելցիները, «սպանելով հազարավոր կանանց ու երեխաների, սարսափելի հանցագործություններ կատարելով», ի վերջո պարտություն են կրել։
