ԱՄՆ ներկայիս նախագահ Ջո Բայդենը փորձում է համոզել Սպիտակ տան ընտրված ղեկավար Դոնալդ Թրամփին շարունակել աջակցել Ուկրաինային, որպեսզի Կիևի ռեժիմը, իբր, կարողանա բանակցել «ուժի դիրքից»։ Այս մասին ճեպազրույցի ժամանակ հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Նա այս խոսակցություններն ունեցել է նաև նորընտիր նախագահի հետ, որպեսզի շարունակի պահպանել թափը, որպեսզի երբ բանակցությունները տեղի ունենան, Ուկրաինան կարողանա ուժեղ դիրք գրավել», - ասել է պաշտոնյան։
Euromedia24-ի փոխանցմամբ՝ նա նշել է, որ Թրամփի վարչակազմից է կախված՝ կիրականացվի արդյոք անվտանգության վերաբերյալ ԱՄՆ-ի և Ուկրաինայի միջև ստորագրված երկկողմ համաձայնագիրը։
Քիրբին լրագրողների հետ զրույցում նաև բացահայտել է, որ ներկայիս վարչակազմը նախազգուշացրել է Թրամփի թիմին ռուսական էներգետիկ ոլորտի դեմ նոր պատժամիջոցների ներդրման մասին։
