Իրանի արտգործնախարար Աբբաս Արաղչին հայտարարել է, որ Թեհրանը պատրաստ է հետագայում քննարկել Ռուսաստանի նախագահ Վլադիմիր Պուտինի առաջարկը՝ հարստացված ուրանը Ռուսաստանի տարածք տեղափոխելու վերաբերյալ։ Այդ մասին հայտնում է ՏԱՍՍ-ը։
Իրանի ԱԳ նախարարը նշել է, որ հանդիպել է Պուտինի հետ և կողմերը քննարկել են նաև այդ հարցը, սակայն թեմայի շուրջ ավելի մանրամասն բանակցությունները ռուսական կողմի հետ կշարունակվեն ավելի ուշ։ Արաղչին ընդգծել է, որ այս պահին հարցը վերջնական փուլում չէ։ Ավելի վաղ հայտնի էր դարձել, որ մարտի 9-ին Պուտինն ու ԱՄՆ նախագահ Դոնալդ Թրամփը հեռախոսազրույցի ընթացքում քննարկել էին Իրանի շուրջ իրավիճակը։
Axios պարբերականի տվյալներով՝ զրույցի ընթացքում առաջարկվել էր Իրանից Ռուսաստան տեղափոխել 450 կիլոգրամ հարստացված ուրան, սակայն Սպիտակ տունը մերժել էր այդ գաղափարը։
