ԱՄՆ նորընտիր նախագահ Դոնալդ Թրամփի վարչակազմը լավ վիճակում կլինի Իրանի հետ բանակցելու համար, քանի որ երկիրը ներկայումս թուլացած է։ Այս մասին հայտարարել է ԱՄՆ ներկայիս նախագահ Ջո Բայդենի ազգային անվտանգության գծով օգնական Ջեյք Սալիվանը։
«Նախ, Իրանն իր ամենաթույլ վիճակում է գտնվում իրանական հեղափոխությունից ի վեր, նա կորցրել է իր գլխավոր խամաճիկի՝ «Հեզբոլլահի» զսպող ուժը:
Անկեղծ ասած, այն կորցրել է հակաօդային պաշտպանության իր հնարավորությունները, և նրա տնտեսությունը դժվարության մեջ է: Ուստի, Իրանը թույլ դիրքերում է։ Եվ դա իրական հնարավորություններ է ստեղծում, բայց նաև ռիսկեր է բերում», - երեքշաբթի ասել է նա Վաշինգտոնի Խաղաղության ինստիտուտում:
