Հայաստանի ազգային հավաքականի նախկին կիսապաշտպան Հենրիխ Մխիթարյանը Միլանի «Ինտերի» հետ մեկնել է Սաուդյան Արաբիա` մասնակցելու Իտալիայի Սուպերգավաթի խաղարկությանը։
Մրցաշարը երկրորդ տարին անընդմեջ անցկացվելու է չորս ակումբով, որին մասնակցելու են Իտալիայի չեմպիոն «Ինտերը», փոխչեմպիոն «Միլանը», երկրի գավաթակիր Թուրինի «Յուվենտուսն» ու եզրափակչի մասնակից «Ատալանտան»։
Սուպերգավաթի առաջին կիսաեզրափակչում «Ինտերը» հունվարի 2-ին` մրցելու է «Ատալանտայի» դեմ։ Մյուս դիմակայությունում հունվարի 3-ին կհանդիպեն «Յուվենտուսն» ու «Միլանը»։ Եզրափակիչը կայանալու է հունվարի 6-ին Սաուդյան Արաբիայի մայրաքաղաք Էր Ռիյադում։
Սուպերգավաթի տիտղոսի գործող դափնեկիրն «Ինտերն» է, որը նախորդ տարի եզրափակչում 1-0 հաշվով պարտության է մատնել «Նապոլիին»։
