Ռազմական փորձագետ Արմեն Այվազյանը գրում է․
«ՀՀ-ի համար Ադրբեջանի հետ այսպես կոչված «խաղաղության պայմանագիրը» անվտանգության երաշխիք չէ, ինչպես փորձում է ներկայացնել Ն. Փաշինյանը։ Այսօր միջազգային պայմանագրերն ու համաձայնությունները խախտվում են անգամ խոշոր պետությունների միջև։ Ահա մի քանի օրինակ. ԱՄՆ-ն խախտեց Իրանի հետ միջուկային հարցով կնքված պայմանագիրը, Ռուսաստանը, Ուկրաինան և ԵՄ-ն խախտեցին Մինսկի համաձայնությունները Ուկրաինայի վերաբերյալ, Թուրքիան խախտեց Իրանի և ՌԴ-ի հետ Աստանայի պայմանավորվածությունները։
Ադրբեջանն ու ՌԴ-ն խախտեցին 2020 թ. նոյեմբերի 9-ի համաձայնությունները Հայաստանի հետ։ Բաքուն խախտել է նաև Պրահայում ԵՄ, Սոչիում ՌԴ և Վաշինգտոնում ԱՄՆ միջնորդություններով ՀՀ-ի հետ համաձայնեցված գործողությունները՝ առանց իր համար որևէ լուրջ հետևանքների։Հայաստանի և Ադրբեջանի միջև «խաղաղության պայմանագիրը» Բաքվի ֆաշիստների համար ծառայելու է որպես իրավական հենադաշտ ՀՀ դեմ նոր ոտնձգություններ կատարելու համար։
Ի. Ալիևն ընդամենն օգտագործելու է Փաշինյանից կորզած կապիտուլյացիոն զիջումները նորանոր ճնշումներ ու հարձակումներ կազմակերպելու համար՝ նպատակ ունենալով ամբողջությամբ օկուպացնել ու ոչնչացնել Հայաստանը։ Ըստ այսմ, Հայաստանին պետք են անվտանգության հստակ երաշխիքներ, այլ ոչ թե թղթե պայմանագրեր։
