Մեծ Բրիտանիայի թագավոր Չարլզ III-ը կշարունակի քաղցկեղի բուժումը 2025 թվականին։ Այս մասին հայտնում է Sky News հեռուստաալիքը՝ հղում անելով Բուքինգհեմյան պալատի աղբյուրներին։
«Նրա բուժումը դրական ուղղությամբ է ընթանում, հաջորդ տարի բուժման կուրսը կշարունակվի վերահսկվող պայմաններում»,- ասել է աղբյուրը։ Ինչպես նշել է հեռուստաալիքը, 76-ամյա միապետը բազմաթիվ միջոցառումների է մասնակցում նույնիսկ նախամանորյան շրջանում, ինչը վկայում է նրա լավ մարզավիճակի մասին։
Sky News-ի տվյալներով՝ թագավորը մտադիր է հաջորդ տարի վերադառնալ «հասարակական պարտականությունների ամբողջական ծրագրին»։
Փետրվարի սկզբին Բուքինգհեմյան պալատը հայտարարեց, որ Չարլզ III-ի մոտ քաղցկեղ է ախտորոշվել, որից հետո նա ժամանակավորապես հրաժարվել է պետական պարտականություններից։ Միապետի ճշգրիտ ախտորոշումը չի հայտարարվել, սակայն այն տրվել է այն բանից հետո, երբ թագավորը հունվարի 26-ին վիրահատվել է շագանակագեղձի մեծացման պատճառով:
Չնայած իր հիվանդությանը, Նորին Մեծությունը վերջին ամիսներին ավելի ու ավելի հաճախ է հայտնվում հանրությանը։ Չարլզ III-ը բրիտանական գահը ստանձնել է 2022 թվականի սեպտեմբերի 8-ին՝ մոր՝ Եղիսաբեթ II-ի մահից հետո, ով թագավորել է երկրի պատմության մեջ ամենաերկարը՝ 70 տարի 7 ամիս։ Միապետի թագադրման արարողությունը տեղի է ունեցել 2023 թվականի մայիսի 6-ին Լոնդոնի Վեսթմինսթերյան աբբայությունում։
