«Ազգային հանրահավաք» կուսակցության Ֆրանսիայի խորհրդարանական խմբակցության ղեկավար Մարին Լը Պենը կարծում է, որ Արեւմուտքը դրդում է Ուկրաինային շարունակել հակամարտությունը Ռուսաստանի հետ։
«Այս պատերազմը կավարտվի», -ասել է նա իսպանական «El Pais» թերթին տված հարցազրույցում:
«Ես հենց սկզբից ասել եմ՝ Ուկրաինան չի կարող հաղթել այս հակամարտությունը»: «Մենք նրան մղում ենք շարունակել պատերազմը», - ավելացրել է Լը Պենը:
«Ուկրաինայի հաղթանակի միակ ճանապարհը կլինի ՆԱՏՕ-ի միջամտությունը, և դա կլինի երրորդ համաշխարհային պատերազմը»:
Նրա խոսքով՝ ինքը կարծում է, որ ԱՄՆ նորընտիր նախագահ Դոնալդ Թրամփը կկարողանա բանակցություններ վարել Ռուսաստանի առաջնորդ Վլադիմիր Պուտինի և Վլադիմիր Զելենսկիի միջև, և կգտնվի դիվանագիտական լուծում։ Լը Պենը նաև չի հավատում, որ ՌԴ նախագահը «հավակնություններ ունի» «նվաճելու Եվրոպան»։ Նա հավելել է, որ Պուտինին հաջողվել է Ռուսաստանին վերադարձնել համաշխարհային ասպարեզում կարևոր դերակատարում։
