Թուրքիան հուսով է Ադրբեջանի և Հայաստանի միջև շուտափույթ խաղաղության համաձայնագրի կնքմանը՝ Հարավային Կովկասում կայուն խաղաղություն հաստատելու համար։ Ինչպես հայտնում են ադրբեջանական ԶԼՄ-ները, այս մասին հայտարարել է Թուրքիայի ազգային պաշտպանության նախարար Յաշար Գյուլերը՝ ելույթ ունենալով երկրի խորհրդարանում։
«Մեկ ազգ, երկու պետություն» սկզբունքով մենք միշտ մոտ ենք եղել մեր եղբայրներին՝ հանուն Ադրբեջանի կայունության, որի անվտանգությունն ու բարեկեցությունն անբաժանելի են մեր երկրի անվտանգությունից այդպես լինի»,- հայտարարել է նախարարը։ Նա թուրքական բանակն անվանել է «ուժի գործոն, որի վրա ապավինում և վստահում են բարեկամ և եղբայրական երկրները»։
Անդրադառնալով Սիրիայում տեղի ունեցող վերջին իրադարձություններին՝ նախարարն ընդգծել է, որ ահաբեկիչներին թույլ չեն տա օգտվել երկրում ստեղծված անկայուն իրավիճակից։
