Ժամանակը ցույց կտա, թե ԱՄՆ նորընտիր նախագահ Դոնալդ Թրամփը իր երդմնակալությունից հետո ինչ քայլեր կձեռնարկի ուկրաինական հակամարտության առնչությամբ, ասել է ՌԴ նախագահի մամուլի քարտուղար Դմիտրի Պեսկովը։
Ավելի վաղ Թրամփը հարցազրույցում ասել էր, որ Ուկրաինայի կողմից Ռուսաստանի դեմ ամերիկյան հրթիռների օգտագործումը հակամարտության սրացում է։ Մեկնաբանելով հայտարարությունը, Պեսկովն ասել է, որ Թրամփի խոսքերը համընկնում են Կրեմլի դիրքորոշման հետ։
«Բայց, միևնույն ժամանակ, թե ինչ գործողություններ են լինելու երդմնակալությունից հետո, ցույց կտա ժամանակը, երբ իրականում ընտրված նախագահը զբաղեցնի իր տեղը Օվալաձեւ աշխատասենյակում»,- ասել է Պեսկովը՝ պատասխանելով լրագրողների հարցերին։
