Միջազգային հանրությունը պետք է ձգտի Սիրիայի դեմ երկարամյա միակողմանի պատժամիջոցների վերացմանը և աջակցի դրա տարածքային ամբողջականությանը։ Այս մասին հայտարարել է Չինաստանի արտգործնախարար Վան Ին։
«Միջազգային հանրությունը պետք է արդյունավետորեն պաշտպանի Սիրիայի ինքնիշխանությունն ու տարածքային ամբողջականությունը, հարգի նրա ազգային և կրոնական ավանդույթները և թույլ տա սիրիացի ժողովրդին ինքնուրույն որոշումներ կայացնել»,-ընդգծել է Չինաստանի արտգործնախարարը՝ իր եգիպտացի գործընկեր Բադրի հետ հանդիպումից հետո լրագրողների հետ զրույցում:
«Բոլոր երկրները պետք է միասին աշխատեն՝ օգնության ձեռք մեկնելու Սիրիային և հասնելու անօրինական միակողմանի պատժամիջոցների վերացմանը, որոնք երկար տարիներ կիրառվել են նրա նկատմամբ»:
Ինչպես պարզաբանել է Վան Յին, համաշխարհային հանրությունն այդպիսով կկարողանա մեղմել մերձավորարևելյան այս պետության հումանիտար բարդ իրավիճակը։
«Վերջին շրջանում իրավիճակը Սիրիայում կտրուկ բարդացել է, և չինական կողմը մեծ ուշադրություն է դարձնում դրան»,- հավելել է նա։
