Վրաստանի ՆԳՆ աշխատակիցները եւս երկու հոգու են ձերբակալել՝ Թբիլիսիում խորհրդարանի շենքի մոտ անկարգություններ կազմակերպելու եւ մասնակցելու մեղադրանքով։
Ինչպես ասվում է նախարարության հաղորդագրության մեջ, ձերբակալվածներից մեկն օտարերկրյա երկրի քաղաքացի է։
«Ռուսթավելի պողոտայում ակցիայի մի խումբ անձինք, բռնի գործողություններ են իրականացրել, դիմադրել և չեն ենթարկվել իրավապահների օրինական պահանջներին և տարբեր առարկաներ են նետել նրանց ուղղությամբ»,- ասվում է գերատեսչության հաղորդագրության մեջ։
Թբիլիսիում ցույցերի ժամանակ անկարգությունների սկզբից ի վեր քրեական գործով ձերբակալվել է 28 մարդ։
Գիշերը Ռուսթավելի պողոտայում հերթական հակակառավարական ցույցն է տեղի ունեցել։
Ըստ ՆԳՆ-ի՝ բողոքի ակցիան երկար ժամանակ խաղաղ է եղել, սակայն, ի վերջո, ցուցարարները կրկին սկսել են ոստիկանների դեմ պիրոտեխնիկա կիրառել, որից հետո որոշում է կայացվել ամբոխին հեռացնել խորհրդարանի շենքից։ Արդյունքում՝ 48 մարդ ենթարկվել է վարչական կալանքի։
