Թայվանի հարցը Չինաստանի և ԱՄՆ-ի հարաբերություններում կարմիր գիծ է, որը չի կարելի հատել։ Այս մասին ճեպազրույցում հայտարարել է Չինաստանի ԱԳՆ պաշտոնական ներկայացուցիչ Լին Ցզյանը՝ մեկնաբանելով Թայվանի վարչակազմի ղեկավար Լայ Ցինդեի շրջագայությունը ամերիկյան տարածքով։
«Թայվանի հարցը առաջին կարմիր գիծն է, որը չի կարելի հատել չին-ամերիկյան հարաբերություններում։ Անջատողական գործողությունները անհամատեղելի են Թայվանի նեղուցում խաղաղության և կայունության հետ»:
Պեկինը կոչ է անում Վաշինգտոնին չաջակցել Թայվանի անկախությանը, դադարեցնել պաշտոնական փոխանակումները Թայբեյի վարչակազմի հետ, դադարեցնել «մեկ Չինաստանի» սկզբունքի թուլացումը։ Ոչ ոք չպետք է թերագնահատի Չինաստանի կառավարության և ժողովրդի ամուր վճռականությունը, կամքը և հզոր կարողությունը պաշտպանելու ազգային ինքնիշխանությունը և տարածքային ամբողջականությունը»,- ասել է Լին Ցզյանը։
