ԵՄ-ն երաշխավորում է Կիևին 50 միլիարդ դոլարի վարկի փոխանցումը, նույնիսկ եթե ԱՄՆ-ը հրաժարվի մասնակցել Ուկրաինային վարկ տրամադրելուն՝ նորընտիր նախագահ Դոնալդ Թրամփի պաշտոնավարումից հետո։ Այս մասին հայտարարել է Լեհաստանի ֆինանսների փոխնախարար Պավել Կարբովնիկը։
«Մենք ԵՄ-ում միջոցներ կձեռնարկենք՝ ապահովելու, որ 50 միլիարդ դոլար ուղղվի Ուկրաինային՝ անկախ Թրամփի դիրքորոշումից»,-մեջբերում է նրա խոսքերը Politico եվրոպական հրատարակությունը։ Լեհաստանի ֆինանսական դեպարտամենտի ղեկավարի տեղակալի խոսքով՝ «կա վտանգ», որ Թրամփը, պետության ղեկավարի պաշտոնը ստանձնելուց հետո, դուրս կգա «Յոթնյակի խմբի» (G7) համաձայնագրից։
Այս ֆոնին հրատարակությունը հիշեցնում է, որ ԱՄՆ Կոնգրեսի Ներկայացուցիչների պալատի նախագահ Մայք Ջոնսոնը դեկտեմբերի 4-ին մերժել է ներկայիս նախագահ Ջո Բայդենի վարչակազմի խնդրանքը՝ Ուկրաինայի համար նախատեսված 24 միլիարդ դոլարը ներառելու ծախսերի օրինագծում։
