Ֆրանսիայի Ազգային ժողովի պատգամավորները ճնշող մեծամասնությամբ պաշտպանել է կառավարությանն անվստահություն հայտնելու հարցը։ Այժմ նախարարների կաբինետը պետք է հրաժարական տա, հաղորդում է BFMTV-ն: Այս որոշման ընդունման համար անհրաժեշտ էր նվազագույնը 289 ձայն։
Կողմ է քվեարկել 331 պատգամավոր։ 1962 թվականից ի վեր, երբ Ժորժ Պոմպիդուի կառավարությունը հրաժարական տվեց, սա առաջին դեպքն է, երբ ֆրանսիական կառավարությունը, անվստահության քվեի արդյունքում, տապալվում է։ Բարնյեն հայտնի է՝ որպես Ֆրանսիայի ամենաքիչ կառավարած վարչապետը․ պաշտոնավարել է ընդամենը 90 օր:
Միշել Բարնյեն և նրա կաբինետը, ամենայն հավանականությամբ, կշարունակեն ղեկավարել, մինչ Ֆրանսիայի նախագահ Էմանուել Մակրոնը փնտրում է նոր վարչապետ:
Նոր ընտրությունները, Ֆրանսիայի Սահմանադրության համաձայն, չեն կարող նշանակվել նախորդից ոչ շուտ, քան մեկ տարի հետո։
Ելիսեյան պալատը հայտնել է, որ Մակրոնը հինգշաբթի երեկոյան հանդես կգա ուղերձով։
