Ցուցարարները կենտրոնական Ռուսթավելի պողոտայից հատուկ ջոկատայինների կողմից ցրվելուց հետո երթով անցել են Թբիլիսիի փողոցներով և ավարտել ցույցը։ Այս մասին հայտնում է ՏԱՍՍ-ի թղթակիցը։
Այն բանից հետո, երբ ժամը 03:30-ի սահմաններում (Մոսկվայի ժամանակով 02:30-ին) ուժայինները ցուցարարներին դուրս հանեցին Ռուսթավելիի պողոտայից, քաղաքացիները երթով շարժվեցին հարակից Կոստավա փողոցով՝ հեռու մնալով իրավապահներից՝ ձերբակալություններից խուսափելու համար։
Թբիլիսիում դեկտեմբերի 3-ին խորհրդարանի շենքի մոտ հերթական հակակառավարական ցույցն է տեղի ունեցել։ Բողոքի ակցիան անցել է խաղաղ, սակայն ուշ երեկոյան անվտանգության ուժերը սկսել են ջրցան մեքենաներ կիրառել ցուցարարների դեմ՝ ի պատասխան այն բանի, որ որոշ ցուցարարներ սկսել են պիրոտեխնիկա կիրառել նրանց վրա։ Ավելի ուշ հատուկ ջոկատայինները ցուցարարներին հեռացրել են խորհրդարանի հարակից տարածքից։
